Menningarnótt verður haldin hátíðleg í miðborg Reykjavíkur laugardaginn 19. ágúst 2017. Landsbankinn hefur verið máttarstólpi Menningarnætur frá upphafi og býður að venju upp á fjölbreytta menningardagskrá í Austurstræti 11.

• 13.00 Listaverkaganga með Aðalsteini Ingólfssyni listfræðingi
  • Aðalsteinn Ingólfsson listfræðingur kynnir myndlist í bankanum.
    Listaverkagangan hefur verið á dagskrá bankans á Menningarnótt um árabil og er alltaf jafn vinsæl.
  • 13.00 Fyrsta ganga
  • 14.00 Önnur ganga
• 15.00 Áttan
  • Samfélagsmiðlahópurinn Áttan hefur notið mikilla vinsælda að undanförnu en hópurinn hefur m.a. gefið út nokkur geysivinsæl lög sem hann mun flytja fyrir gesti og gangandi.
• 16.00 Lalli töframaður
  • Lalli er fyndinn, skemmtilegur og öðruvísi töframaður sem slær ávallt í gegn hjá börnum jafnt sem fullorðnum.
• 17.00 Friðrik Dór
  • Friðrik Dór Jónsson er einn vinsælasti tónlistarmaður landsins og mun hann koma fram með gítarinn og flytja alla sína helstu smelli.

Úthlutanir úr Menningarnæturpotti Landsbankans

Alls fengu 27 verkefni styrki úr Menningarnæturpotti Landsbankans þann 9. ágúst. Hægt verður að sjá afrakstur þeirra á Menningarnótt 19. ágúst. Veittir voru styrkir á bilinu 100-350 þúsund kr. til einstaklinga og hópa, samtals fjórar milljónir króna. Um er að ræða samstarfsverkefni Landsbankans og Höfuðborgarstofu en bankinn hefur verið máttarstólpi Menningarnætur frá upphafi.

Áhersla lögð á Hlemm

Starfshópur á vegum Höfuðborgarstofu valdi styrkþegana úr hópi 70 umsókna en þetta er í áttunda skipti sem veitt er úr Menningarnæturpottinum. Við úthlutunina var lögð áhersla á að styðja skemmtilega og frumlega viðburði. Áherslusvæðið í ár er Hlemmur og þar í kring og var tekið tillit til þess í styrkveitingunni. Svæðið hefur verið að byggjast hratt upp síðustu misseri og verður Hlemmur Mathöll t.d. opnuð þar á næstu dögum þar sem 10 veitingastaðir og kaupmenn bjóða upp á alls kyns kræsingar.

Landsbankinn mun til viðbótar við styrkina standa fyrir árvissri dagskrá í útibúi sínu í Austurstræti á Menningarnótt.

Styrkþegar Menningarnæturpotts Landsbankans 2017

Styrkir að upphæð 350.000 kr.

• Hlemmur Mathöll – Matur & músík

  Matur & músík í Mathöllinni á Hlemmi þar sem boðið verður uppá tónleika og matarhátíð þar sem fram koma 3–5 tónlistarmenn á litlu sviði.

• Brynja Péturs – Street Dance Festival

  Street dans Carnival er nýr popp kúltúr viðburður á dagatali Reykjavíkur í anda vinsælla dansviðburða. Áhorfendur sjá kraftmikla danssýningu með öllum bestu street dönsurum landsins á öllum aldri.

Styrkir að upphæð 250.000 kr.

• Snorri Ástráðsson – Hip Hop hátíð Menningarnætur

  Hip hop hátíð Menningarnætur á Ingólfstorgi eru einu tónleikarnir sem einblína einungis á Hip hop og það ferskasta í þeirri senu á Íslandi.

Styrkir að upphæð 200.000 kr.

• Félag Litháa á Íslandi – Þjóðbúningur, þjóðdans og söngur Litháa

  Félag Litháa á Íslandi kynnir þjóðbúning, þjóðdans og allskonar söngva á litháísku fyrir Íslendinga og aðra gesti.

• Sigurþór Hallbjörnsson – Reykjavík Custom Bike Show

  Hressandi Rokk og ról tónleikar og mótorhjólasýning í Naustinni

• Hanna Jónsdóttir og Ninna Þórarinsdóttir – Léttur í lunda

  Viðburðurinn snýst um að létta lundina og finna í okkur lundann. Þreifa betur á þessum umdeilda fugli, sem verður fleygur 49 daga gamall og er búinn að koma sér vel fyrir í Reykjavík. Sett verður upp vinnustofa fyrir alla fjölskylduna þar sem ætlunin er að til verði lundafætur, vængir, goggar og stél, jafnvel heilu lundarnir sem að svífa svo um bæinn léttir í lundu.

• Hits&Tits –Tjúttað við taflið – Útikaraoke

  Tvíeykið Hits&Tits er skipað þeim Margréti Erlu Maack og Ragnheiði Maísól Sturludóttur sem bjóða upp á útikaraoke við útitaflið við Bernhöftstorfuna

Styrkir að upphæð 150.000 kr.

• Pera óperukollektíf – Súkkulaðióperan Bon Appétit!

  Pera óperukollektíf er hópur klassískt menntaðra söngvara og listafólks sem vinnur (meðal annars) við óperu– og tónlistarleikhús. Hópurinn, í forsvari Guju Sandholt listræns stjórnanda, flytja stutt stykki sem kitla bragðlauka gesta og gangandi.

• Improv Ísland – Spunamaraþon Improv Ísland

  Improv Ísland sem samanstendur af rúmlega 30 spunaleikurum munu spinna í 5 klukkutíma í Þjóðleikhúskjallaranum. Hópurinn sýnir fjölbreytt form af spuna eins og söngleikjaspuna m.a með heilli hljómsveit, Haraldurinn, tveggja manna spuni, kvikmyndaspuni o.s.frv.

Styrkir að upphæð 100.000 kr.

• Listvinafélag Hallgrímskirkju – Sálmafoss

  Listvinafélag Hallgrímskirkju stendur fyrir 6 klukkutíma klukkustunda langri dagskrá þar sem flutt verður fjölbreytt kirkjutónlist. Í upphafi dagskrárinnar verða frumfluttir sex nýir sálmar sem Tónmenntasjóður kirkjunnar hefur pantað hjá jafn mörgum skáldum og tónskáldum.

• Viktoría Sigurðardóttir– Íslenskir söngleikir

  Viktoría Sigurðardóttir leikkona og Halldór Bjarki Arnarsson píanóleikari flytja lög úr íslenskum söngleikjum á borð við Leg, Gretti og Gauragangi á tónleikum sem fara fram í bakgarði í Þingholtunum.

• Svanlaug Jóhannsdóttir–Í hennar sporum

  Söngkonan Svanlaug Jóhannsdóttir hefur leitað uppi skópör sem eiga sér skemmtilega sögu. Saga kvennanna og skónna, rómantíkin, gleðin og átökin er flutt með sögum og söngvum. Sýningin tekur um 40 mínútur í flutningi og í henni koma fram ásamt Svanlaugu, píanóleikari og víóluleikari.

• Gallerí Port -Port3

  Gallery Port býður til veislu á Menningarnótt. Um er að ræða samsýningu ungra og upprennandi íslenskra myndlistarmanna og jafnframt er boðið uppá tónleika og vinnusmiðju fyrir krakka yfir daginn.

• Haraldur Ægir Guðmundsson – Chet Baker and Me

  Jazz Quartett leikur lög sem trompetleikarinn og söngvarinn Chet Baker gerði ódauðleg með þýðri rödd sinni upp úr miðri síðustu öld, ásamt úrvali eigin laga sem tengja nútímann við þá öld sem leið.

• Leikhópurinn Lotta skemmtir á Menningarnótt í Hallargarðinum.
• Álfheiður Erla Guðmundsdóttir – Kvöldtónar í Dómkirkjunni

  Álfheiður Erla Guðmundsdóttir sópransöngkona stendur fyrir kvöldtónum í Dómkirkjunni. Hún fær til sín góða gesti sem koma fram á tónleikunum með sér sem gerir dagskrána fjölbreyttari og líflegri þannig að gestir fái notið.

• Unnur Sara Eldjárn – Söngvaskáldið Serge Gainsbourg

  Franska söngvaskáldið, Serge Gainsbourg er mörgum kunnugur en hann samdi tónlist í ýmsum stefnum eins og mambo, jazz, og reggí og vakti mikla athygli fyrir húmor og orðaleiki í sínum söngtextum.

• Árni Grétar Jóhannesson – Íslensk raftónlist

  Íslensk raftónlist í boði Möller plötuútgáfunnar með ýmsum listamönnum. Tónleikar frá hádegi til kvölds.

• Ingi Vífill Guðmundsson – Menningarnótt í Hannesarholti

  Menningarnótt verður fagnað með veglegum hætti í Hannesarholti í fallegu umhverfi þar sem áhersla verður lögð á að gefa listafólki tækifæri til að sýna list sína.

• Huldufugl – Kassinn

  Kassinn er kómísk, súrrealísk og gagnvirk sýndarveruleika leikhúsupplifun sem fjallar um að festast inni í ósýnilegum kassa. Einn áhorfandi í einu fær að njóta upplifunarinnar sem verður á Hlemmi.

• Kaffislippur Reykjavík Marina

  Það verður dillandi stemning á Kaffislipp að degi Menningarnætur. Þar mun tvíeyki úr Listaháskólanum syngja frumsamda og lánaða texta frá þekktum tónlistarmönnum til að hita upp gesti Menningarnætur.

• Hitt Húsið –Vagg og Velta– Stage Europe Network tónleikar

  Tvær erlendar hljómsveitir koma fram á Menningarnótt. Hljómsveitirnar eru afar frambærilegar hljómsveitir sem eru að hefja feril sinn en hafa þó allar fengið ákveðið brautargengi og unnið tónlistarkeppnir sambærilegum Músíktilraununum í sínum heimalöndum.

• Barakan afrískur dans og trommuhópur

  Hópurinn var stofnaður af Mamady Sano og Söndru Sano Erlingsdóttur sem sérhæfa sig í dansi og trommuleik frá Gíneu í V–Afríku.

• Hómy Reykjavík – hópur starfandi myndskreyta

  Hómy Reykjavík er óformlegur sýningarhópur teiknara, illustratora og myndskreyta á Íslandi. Sýningarþemað á Menningarnótt er Betri Reykjavík – hugmyndir teiknara sem ALDREI verða að veruleika.

• Ísabella Leifsdóttir – Hlemmsöngur

  Ísabella Leifsdóttir söngkona syngur ásamt meðleikara á Hlemmi. Sungin verða ýmis þekkt og óþekkt lög og væri gaman ef áhorfendur tækju undir.

• Ást á kex

  Hátíð þar sem 50 ára afmæli Summer of Love verður fagnað á Kex Hostel.