Fréttir

16. maí 2018 16:48

HM í Hljómskálagarðinum og á Ingólfstorgi

Útsendingar frá HM í knattspyrnu munu fara fram í Hljómskálagarðinum og á Ingólfstorgi í sumar. Leikir íslenska landsliðsins verða sýndir í Hljómskálagarðinum en allir leikir mótsins á Ingólfstorgi.

Landsbankinn, ásamt öðrum styrktaraðilum knattspyrnulandsliða Íslands, Reykjavíkurborg og KSÍ standa að HM torgunum. Þá mun RÚV verða með útsendingar frá Hljómskálagarðinum og gert er ráð fyrir leiktækjum fyrir börn og veitingaaðstöðu meðan á útsendingum stendur.

Einstök stemning myndaðist á Arnarhóli fyrir tveimur árum þegar strákarnir kepptu á Evrópumótinu í knattspyrnu en til þess að geta tekið á móti þessum fjölda fólks var talið heppilegra að vera í Hljómskálagarðinum með tilliti til stærðar og umhverfis, aðkomu og aðgengismála.

Leikir Íslands verða gegn Argentínu í Moskvu þann 16. júní, gegn Nígeríu í Volgograd 22. júní og Króatíu í Rostov 26. júní. Fari svo að Ísland komist upp úr riðlinum verða þeir leikir jafnframt sýndir í Hljómskálagarðinum. Áfram Ísland!

 

20. ágúst 2018 15:57

Stuð og stemning í Landsbankanum á Menningarnótt

Fjöldi fólks lagði leið sína í Landsbankann í Austurstræti á Menningarnótt 18. ágúst sl. og naut þar fjölbreyttrar dagskrár, líkt og glöggt má sjá af myndum sem þar voru teknar. Landsbankinn hefur verið máttarstólpi hátíðarinnar frá upphafi og ávallt boðið upp á menningardagskrá í Austurstrætisútibúinu.


Nánar

16. ágúst 2018 13:28

Umræðan: Hvað eru bálkakeðjur (e. blockchain) og hverju breyta þær?

Bálkakeðjutæknin er í dag þekktust fyrir að vera á bakvið rafeyrinn bitcoin. Tæknina er þó hægt að nýta á mörgum öðrum sviðum en henni er ætlað að stuðla að auknu trausti í ýmis konar samskiptum og viðskiptum.


Nánar

20. ágúst 2018 10:43

Vikubyrjun 20. ágúst 2018

Í síðustu viku birti Þjóðskrá Íslands vísitölu íbúðaverðs á höfuðborgarsvæðinu. Vísitalan mældist 607,9 stig í júlí (janúar 1994=100) og hækkaði um 0,3% milli mánaða. Yfir 12 mánaða tímabil hefur vísitalan hækkað um 5,2% sem er mun hóflegri hækkunartaktur en síðustu ár.


Nánar