Fréttir

21. desember 2017 13:46

Keyptir þú þína fyrstu íbúð frá 1. júlí 2014 til 1. júlí 2017?

Umsóknarfrestur vegna ráðstöfunar viðbótarlífeyrissparnaðar til kaupa á fyrstu íbúð (10 ára úrræði) þegar íbúð var keypt frá 1. júlí 2014 til 1. júlí 2017 rennur út um næstu áramót.

Þeir sem keyptu fyrsta íbúðarhúsnæði sitt á tímabilinu 1. júlí 2014 til 30. júní 2017 og hyggjast nýta sér ráðstöfun viðbótalífeyrissparnaðar inn á húsnæðislán sitt í allt að 10 ár þurfa að sækja um slíka ráðstöfun í gegnum þjónustusíðu ríkisskattstjóra, www.skattur.is, í síðasta lagi hinn 31. desember 2017. Nánari upplýsingar um úrræðið er að finna á www.rsk.is/fyrstaibud.

Ertu byrjuð/byrjaður að nýta úrræðið?

Ef þú keyptir eða byggðir þína fyrstu íbúð á tímabilinu 1. júlí 2014 til og með 30. júní 2017 og nýttir eldri heimildir til úttektar á séreignarsparnaði (5 ára úrræði) en vilt færa þig yfir í nýja úrræðið (10 ára úrræði) þarftu að sækja um það fyrir lok árs 2017. Ef þú gerir það ekki fellur heimild til nýtingar á viðbótarlífeyrissparnaði niður miðað við 30. júní 2019.

Ertu að greiða í viðbótarlífeyrissparnað en ekki byrjuð/byrjaður að nýta neitt úrræði?

Ef þú keyptir þína fyrstu íbúð frá 1. júlí 2014 til 1. júlí 2017 og ert að greiða í viðbótarlífeyrissparnað og vilt nýta úrræði til 10 ára þá þarftu að sækja um það fyrir lok árs 2017. Ef þú gerir það ekki getur þú eingöngu nýtt eldra úrræði sem fellur niður 30. júní 2019.

Ertu ekki með viðbótarlífeyrissparnað?

Ef þú keyptir eða byggðir þína fyrstu íbúð á tímabilinu 1. júlí 2014 til og með 30. júní 2017, ert ekki að greiða í viðbótarlífeyrissparnað en vilt nýta úrræði um fyrstu kaup (10 ára úrræði) þarftu að gera samning um viðbótarlífeyrissparnaðar og sækja um úrræðið á www.skattur.is fyrir lok árs 2017.

Keyptir þú fyrstu íbúð eftir 1. júlí 2017?

Umsókn vegna úttektar, eða greiðslu inn á veðlán, í tengslum við kaup á fyrstu íbúð sem keypt var 1. júlí 2017 eða síðar þarf að berast í síðasta lagi tólf mánuðum eftir undirritun kaupsamnings.

 

18. desember 2018 15:19

Landsbankinn mun fylgja nýjum viðmiðum Sameinuðu þjóðanna um ábyrga bankastarfsemi

Landsbankinn hefur ákveðið að undirrita yfirlýsingu um að fylgja nýjum viðmiðum UNEP FI um ábyrga bankastarfsemi (Principles for Responsible Banking) sem ætlað er að tengja bankastarfsemi við Heimsmarkmið Sameinuðu þjóðanna og Parísarsamkomulagið.


Nánar

17. desember 2018 11:33

Hægt að breyta heimild á kreditkortum í netbankanum og Landsbankaappinu

Nú geta viðskiptavinir Landsbankans sjálfir breytt úttektarheimild á kreditkortum í Landsbankaappinu og í netbanka einstaklinga. Svigrúm til hækkunar á úttektarheimild byggir á lánaramma sem reiknar út lántökuheimild með sjálfvirkum hætti.


Nánar

17. desember 2018 15:16

Jóhann Íslandsmeistari í hraðskák eftir sigur á Friðriksmóti Landsbankans

Stórmeistarinn Jóhann Hjartarson sigraði á Friðriksmóti Landsbankans – Íslandsmótinu í hraðskák – sem fram fór laugardaginn 15. desember í útibúi bankans í Austurstræti. FIDE-meistarinn Ingvar Þór Jóhannesson varð annar. Ferðafélagarnir og landsliðsmennirnir, Helgi Áss Grétarsson og Guðmundur Kjartansson urðu jafnir í 3.-4. sæti.


Nánar