Árin á vinnumarkaði eru tími sem flestir vilja nýta vel og hrinda í framkvæmd því sem þeir hafa ætlað sér að gera í lífinu. Þau eru líka tími ábyrgðar og mikilla útgjalda og þess vegna er mikilvægt fyrir þig að hafa gott skipulag og skýrar hugmyndir um áherslur þínar.

Það skiptir máli að hafa svigrúm til að leggja fyrir og dreifa áhættu en tryggja um leið stöðuga og góða ávöxtun. Með því að byggja upp og

rækta það sem þú hefur eignast áttu auðveldara með að ná markmiðum þínum, auk þess sem þú byggir um leið upp vörn gegn óvæntum útgjöldum. Þess vegna er mikilvægt að byrja sem fyrst að líta á fjárhaginn sem heild og horfa bæði á daginn í dag og til framtíðar.