Kreditkort

Landsbankinn býður upp á fjölbreytt úrval kreditkorta. Kortin hafa mismunandi eiginleika m.t.t. fríðinda, ferðatrygginga, greiðsluleiða og árgjalda og ættu allir að geta fundið kreditkort við sitt hæfi.

Kreditkort

Með kreditkortum Landsbankans er hægt að greiða snertilaust eða með símanum sem gerir greiðslur og verslun enn þægilegri og einfaldari. Kortanúmer, gildistími og öryggisnúmer kreditkorta birtist í Landsbankaappinu um leið og kort er stofnað og því þarf ekki að bíða eftir að kortinu sjálfu til að hefja notkun.

 

Snertilausar greiðslur með greiðslukortum



Nýttu lánaheimildina eins og þér hentar

Í Landsbankaappinu getur þú séð hver heimildin þín er til lántöku í sjálfsafgreiðslu. Hún skiptist milli kreditkortaheimildar, yfirdráttarheimildar og annarra skammtímalána. Þú sérð strax hvert svigrúm þitt er til sjálfsafgreiðslu og getur sótt um yfirdráttarheimild eða kreditkortaheimild, hækkað, lækkað, framlengt og sagt upp heimildinni þegar þér hentar, hvort heldur sem er í netbankanum eða Landsbankaappinu.

Nánar um lánaheimildina



Þú getur breytt heimildinni á kortinu

Nú er hægt að breyta kreditkortaheimildinni á einfaldan máta í Landsbankaappinu og í netbankanum þegar þér hentar. Þú sérð strax hvert svigrúmið er til breytinga á heimildinni. Ef þörf er á frekari fyrirgreiðslu umfram það sem hægt er að sækja í sjálfvirku ferli er hægt að senda inn beiðni um hærri heimild í appinu og netbankanum.

Innskráning í netbankann

 

 

Aukakrónur

Aukakrónur er fríðindakerfi Landsbankans og geta viðskiptavinir Landsbankans safnað og notað Aukakrónur sé kreditkort þeirra tengt Aukakrónusöfnun. Í hvert skipti sem þú notar kreditkortið þitt safnar þú Aukakrónum en þú getur fylgst með söfnuninni í netbankanum þínum. Það getur t.d. borgað sig að setja ýmsan fastan kostnað í boðgreiðslur því þá safnarðu Aukakrónum þegar þú greiðir reikninga heimilisins. Þú getur síðan notað Aukakrónurnar hjá fjölmörgum samstarfsaðilum um allt land.

Aukakrónur

Vildarpunktar Icelandair

 

Borgaðu með símanum

Þú getur skráð bæði debet- og kreditkortin þín í Apple Pay eða kortaappið fyrir Android og borgað með símanum eða öðrum snjalltækjum. Það er einfalt að skrá kortin beint í Apple Pay í gegnum Landsbankaappið eða Apple Wallet. Fyrir Android síma þarf að sækja kortaapp Landsbankans í Google Play Store og skrá kortið þar. Það er fljótlegt og öruggt að borga með símanum en úttektarheimildir og öll önnur virkni kortanna í símanum er sú sama og þegar greitt er með greiðslukortinu sjálfu. Fríðindi á borð við Aukakrónur og tryggingar haldast því einnig óbreytt.


Svona virkjar þú kreditkortið þitt

PIN-númerið er aðgengilegt í Landsbankaappinu hjá viðkomandi kreditkorti eða í netbanka Landsbankans á aðgerðahnappi fyrir aftan nýja kreditkortið á „Síðan mín“. Þú getur einnig óskað eftir að fá útprentað PIN-númer sent heim í síma 410 4000 eða í næsta útibúi.

Nánari upplýsingar um PIN-númer kreditkorta

Þú virkjar nýja kreditkortið þitt með því að greiða einu sinni með hefðbundnum hætti í posa en þá er kortinu stungið í posann og PIN númerið notað. Þannig virkjar þú aðra eiginleika kortsins og samþykkir um leið skilmála þess. 

 


Kortið berst þér innan tíðar – en þú getur líka pantað

Landsbankinn vinnur að því að skipta út eldri kreditkortum viðskiptavina. Ef þú vilt fá kortið sem fyrst getur þú pantað kortið með því að smella á hnappinn hér til hægri. Þú getur einnig sótt um kortið í næsta útibúi eða í þjónustuveri Landsbankans í síma 410 4000.


Athugasemd vegna kortafærslu

Ef gera þarf athugasemd vegna kortafærslu þarf að fylla út viðkomandi eyðublað.

Undirskrift korthafa er nauðsynleg ef endurkrafa er gerð vegna færslu og öll gögn sem styðja endurkröfumál þurfa að fylgja eyðublaðinu.